Obra partikularrak

Error message

  • Warning: include(/var/www/vhosts/debagoiena/httpdocs/modules/openid/part2openid-rtl.css): failed to open stream: No such file or directory in include() (line 4 of /srv/www/debagoiena/httpdocs/sites/default/settings.php).
  • Warning: include(): Failed opening '/var/www/vhosts/debagoiena/httpdocs/modules/openid/part2openid-rtl.css' for inclusion (include_path='.:/usr/share/php') in include() (line 4 of /srv/www/debagoiena/httpdocs/sites/default/settings.php).

Zer nolako laguntzak jaso dezaket?

Obra partikularrak dira etxebizitzaren elementuen pribatiboen gain soilik eragina dutenak, hala nola: etxebizitza barne erreforma lanak, igeltserotza, eskaiola, barneko arotzeria, iturgintza, elektrizitate edota berogailu instalazioen berritzea, gas instalazioak, ikus-entzunezko instalazioak edota pintura. Kanpoko arotzeriaren ordezkapena.Lokalak etxebizitza bihurtzea. Arkitektura-oztopoak kentzeko helburua duten barne erreformak, adibidez, bainuontziaren ordez dutxa jartzea.

Zerga-onurak

Bizikidetzako unitate guztientzat, Gipuzkoako Foru Aldundiko Ogasun Departamentuak ezarritako mugekin,  Eusko Jaurlaritzak jarduketa babesgarritzat kalifikatzen duenean.

Finantzazio Kualifikatua

Mailegurako  eskubidea  izateko,  eskatzaileen  familiaren  diru-sarrera  haztatuek  ez  dute  33.000,00  eurotik gorakoak izan behar. (DH<33.000€) (Gehiago jakin)

Zuzeneko diru-laguntzak:

Titularrek, itzuli beharrik gabeko diru-laguntzak lortu  ahal izango dituzte, betiere 21.000,00 eurotik gorako diru-sarrera haztatuak ez badituzte urtean (Gehiago jakin)

Aurkeztu beharreko agiriak:

  • Obrak egiteko udal baimena/eskaera.
  • Obren aurrekontua partiden arabera banakatuta, partida bakoitzaren neurketa eta prezio unitarioa adierazita, edo teknikariaren proiektua, Ordezkaritzak hala eskatzen badu (egingo den obra-motaren arabera).
  • Proiektua egin duen teknikariaren ordainsaria (hala badagokio).
  • Udal tasak.
  • Birgaitu beharreko etxebizitzaren argazkia.
  • Eskabidea ebazteko Lurralde Ordezkaritzak beharrezkotzat jotzen duen beste edozein agiri.
  • Duten familia bakarreko etxebizitzek, fatxada erabilera publikoko bide edo gune batera ematen dutenek, edo eraikin atxikiek, Eraikingintzako Ikuskapen Teknikoko Txostena aurkeztu beharko dute, eskumendun teknikariak egindakoa (arkitektoa/arkitekto teknikoa). EITa paperean eta XML artxiboan, eta PDF formatuan CD euskarrian, aurkeztu beharko da, eta dagokion Udaleko sarrera erregistroko.

Aurrekontu babesgarria aitortzea, zerga-onurak lortzeko, hala badagokio, ondorengo agiria hauek ere aurkeztu beharko dira:

  • NANaren fotokopia.
  • Higiezinaren jabetza egiaztatzeko agiria (eskrituraren fotokopia edo Jabetzaren Erregistroaren argibide-ohar soila).
  • Ondasun Higiezinen gaineko Zergaren ordainagiriaren fotokopia, eraikinaren zenbaki finkoa jasoko duena.
  • Atzerritarren kasuan:
    • Iraupen luzeko bizileku-baimena (indarrean egon behar du).
    • Europako Erkidegoko Batasunekoen kasuan, atzerritarren identifikazio zenbakia jasotzen duena (NIE). Pasaportea ez da baliozkoa izango.

Mailegua edo/eta diru-laguntza.

Gorago aipatutakoez gain, honako agiri hauek ere aurkeztu beharko dituzu:

  • Erroldako udal ziurtagiria, birgaituko den etxebizitzan elkarrekin bizi diren pertsona guztiak adierazten dituena, edo bestela, obra amaiera egiaztatzen den egunetik hiru hilabeteko epean udal ziurtagiri hori aurkezteko konpromisoa.
  • Birgaitze jarduketen titularren diru-sarreren ziurtagiriak:
    • PFEZ aitortu beharra baduzu edo aitortu baduzu, honako agiri hauek aurkeztu beharko dituzu:
    • Etxebizitza-eskaera hau aurkezten denean mugaeguneratuta dagoen azken zergaldiko Pertsona Fisikoen Errentaren gaineko Zergaren aitorpen(ar)en fotokopia/k. Aitorpenak/ek Foru Ogasunean, Kutxan edo Banketxean aurkeztua izanaren zigilua eraman behar du/te.
    • Kotizazio gabeko prestaziorik jasoz gero, dagokion ziurtagiria.
  • PFEZ aitortu beharrik ez baldin baduzu (eta ez duzu egin),jarraian adierazten diren agiriak aurkeztu beharko dituzu:
    • Kasu guztietan,
      1. Foru Ogasunaren ziurtagiria, zergaldi horretan (eskaera hau aurkezten denean amaituta dagoen azken ekitaldian) PFEZ aitortu beharrik ez duzula egiaztatzen duena.
      2. Lan-bizitzaren ziurtagiria, Gizarte Segurantzako Diruzaintza Orokorrak egina. (901 502050 www.seg-social.es)
    • Besteren konturako langilea bazara: zergaldi horretan kontzeptu guztiak direla-eta jaso dituzun sarrera gordinak adierazten dituen agiria, enpresak edo enplegu-emaileak egina.
    • Pentsioduna bazara edo bestelako beka, prestazio edo sorospenik (gizarte ongizatekoak barne) jasotzen badituzu, dagokion egiaztagiria, ekitaldi horretakoa.