Zerbitzu honen bidez etxeetan sortu daitezkeen hondakin arriskutsuak jasotzen dira, Garbiguneetako zerbitzua herritarrei hurbilduz. Jasotzen diren hondakinak hurrengoak dira:

• Aerosolak: beteak edo erdi beteak. (aerosol hutsak ontziekin batera atera daitezke).
• Bonbilak: halogenoak edo kontsumo baxukoak. (bonbila normalak errefusa dira).
• Inprimagailuetako kartutxoak.
• CD/DVD/VHS (bideo zintak) eta musika zintak.
• Pilak: alkalinoak, botoi-pilak eta bateria txikiak (argazki eta bideo kameratakoak, mugikorretakoak…).
• Termometroak: plastikozko poltsa itxietan bota hautsi ezkero merkurioa irten ez dadin.
• Sukaldeko olioa: plastikozko botila edo ontzietan sartu, apurtu ez daitezen eta ondo itxita.
• Motore olioa: plastikozko bidoietan eta ondo itxita.
• Bateriak: manipulatu gabe, isuririk egon ez dadin.
• Pintura: ondo itxitako poteetan.
• Disolbatzaileak, garbitasun produktuak eta antzerakoak: ondo itxitako ontzietan isuririk egon ez dadin.
• Erradiografiak.
• Fluoreszenteak: kontuz sartu apurtu ez daitezen.
• Aparatu elektriko eta elektroniko txikiak: batidorak, plantxak, telefono mugikorrak, ordenagailuetako teklatuak, xaguak…etab.

Oharrak:

• Hondakinak uzterakoan ahal den txukunen utzi lekua behar bezala aprobetxatzeko.
• Errespetatu zerbitzuaren ordutegia eta ez utzi hondakinak ordu edo lekuz kanpo.