Dituzun diru-sarrera haztatuak kalkulatzeko ondorengo pausoak jarraitu behar dituzu:

Laguntzen zenbatekoa kalkulatzeko kontuan izango ditugun diru-sarrera haztatuak zeintzuk diren jakin beharko duzu. Horretarako, kontuan izan itzazu aurkeztutako azkeneko PFEZren aitorpenean azaltzen diren diru-sarrerak.

• Lehenik eta behin, birgaitzeko jardunen titular guztien diru-sarreren zerga-oinarria kalkulatu, honako irizpide hauei jarraiki:
1. Pertsona Fisikoen Errentaren gaineko Zergaren aitorpena Euskal Autonomia Erkidegoan egin behar duten pertsonentzat, eta, egin behar izan gabe ere, egin dutenentzat, honakoak hartuko dira kontuan: dagokion Zergaren gaineko aitorpenaren zerga-oinarria, aurrezki-oinarria eta oinarri orokorra, lan etekinei aplikatutako hobariak, eta, hala badagokio, egon litezkeen zergarik gabeko errentak, hurrengo paragrafoan ezarritakoaren arabera.
2. Euskal Autonomia Erkidegoan errentaren gaineko zergaren aitorpena aurkeztu behar ez duten pertsonen kasuan, honako diru-sarrerak hartuko dira kontuan:
• Lan-etekinei eta langabezia-prestazioei dagokienez, kontzeptu guztietan egiaztatutako diru-sarrera gordinen % 95.
• Pentsioei eta langabezia-sorospenei eta, halaber, zergarik gabeko dietei dagokienez, kontzeptu guztietan egiaztatutako diru-sarrera gordinen % 100.
3. Era berean, pentsio osagarriak diru-sarrera gisa hartuko dira kontuan hura ordaindu behar duen ezkontide ohiaren diru-sarreren minorazio gisa jasotzen duen ezkontide ohiaren diru-sarrera gisa, baldin eta pentsio osagarria ordaindu behar duen ezkontide ohiak agirien bidez egiaztatzen badu benetan ordaindu duela.
4. Euskal Autonomia Erkidegoan errentaren gaineko zergaren aitorpena aurkeztu behar ez duten pertsonen kasuan, lan-etekinei dagozkien diru-sarrerak egiaztatzeko, PFEZren atxikipenen ziurtagiri ofizialak soilik hartuko dira kontuan.
• Jarraian, lehenago kalkulatutako diru-sarrerak haztatu, bizikidetza-unitateko kide kopuruaren eta diru- sarrerak dituzten hartzaileen kopuruaren arabera, diru-sarrerak dagozkien koefizienteez biderkatuz, honako formula honetan agertzen den bezala:

Diru-sarrera haztatuak (DH) = Kontuan hartu beharreko diru-sarrerak x N x A

Pertsona batek diru-sarrerak ekartzen dituela ulertuko da, hau da, hartzailetzat hartuko da, gutxienez familiaren diru-sarrera guztien % 20 jartzen badu